कोल्हापूर विमानतळावर यशस्वी आपत्कालीन मॉकड्रिल: आगीवर नियंत्रण, जखमींना मदत आणि प्रवाशांना सुरक्षित स्थळी हलवण्याची चाचणी यशस्वी!
गोकुळ शिरगाव (सलीम शेख ) : अलाहाबाद येथे नुकत्याच झालेल्या विमान अपघाताच्या पार्श्वभूमीवर देशभरातील विमानतळांवर सुरक्षा उपाययोजना आणि आपत्कालीन तयारीचा आढावा घेतला जात असताना, कोल्हापूर विमानतळावर रविवारी (येथील माहितीनुसार) आपत्कालीन परिस्थिती हाताळण्याच्या क्षमतेचे मॉकड्रिल यशस्वीपणे पार पडले. यात आगीवर नियंत्रण मिळवणे, जखमींना मदत करणे आणि प्रवाशांना सुरक्षित स्थळी हलवण्याची यशस्वी चाचणी घेण्यात आली.
जिल्हाधिकारी अमोल येडगे यांच्या मार्गदर्शनाखाली आयोजित या प्रात्यक्षिकांमध्ये एका काल्पनिक विमान अपघाताची परिस्थिती निर्माण करून तातडीचे मदत व बचावकार्य राबवण्यात आले. यामध्ये अग्निशमन दल, रुग्णवाहिका, पोलिस, आरोग्य विभाग आणि विमानतळ सुरक्षा दलाचे जवान सहभागी झाले होते.
मॉकड्रिलमध्ये आगीवर नियंत्रण मिळवणे, जखमींना तत्काळ वैद्यकीय मदत पुरवणे आणि प्रवाशांचे सुरक्षित स्थळी स्थलांतर करणे यांसारख्या महत्त्वाच्या कृतींचा समावेश होता. या वेळी आपत्कालीन संदेश वहन प्रणाली, विविध विभागांतील समन्वय आणि जलद प्रतिसाद क्षमतेची चाचपणी करण्यात आली. या यशस्वी मॉकड्रिलमुळे कोल्हापूर विमानतळाची आपत्कालीन परिस्थिती हाताळण्याची तयारी उत्तम असल्याचे दिसून आले.
