इचलकरंजीत युवकाला मारहाण करून दुचाकी आणि रोकड लंपास; शहापूर पोलीस ठाण्यात गुन्हा दाखल
ईचलकरंजी(प्रतिनिधी): चलकरंजी शहरातील सांगली नाका ते शहापूर रोडवरील स्नेहल बेकरी आणि किराणा दुकानासमोर एका १८ वर्षीय युवकाला मारहाण करून त्याची दुचाकी व रोख रक्कम जबरदस्तीने हिसकावून नेल्याची घटना घडली आहे. याप्रकरणी शहापूर पोलीस ठाण्यात गुन्हा दाखल करण्यात आला आहे.
फिर्यादी संदेश सुनिल पाटील (वय १८, कबनूर,) यांनी दिलेल्या तक्रारीनुसार, दि. ८ जुलै २०२५ रोजी रात्रीच्या सुमारास ते सांगली नाका ते शहापूर रोडवरील स्नेहल बेकरीसमोर होते. यावेळी आरोपी आदित्य लक्ष्मण भस्मे (वय २५, रा. इचलकरंजी) याने फिर्यादीला मारहाण करून त्यांच्या ताब्यातील ८०,००० रुपये किंमतीची टीव्हीएस कंपनीची ज्युपिटर ( क्र. एमएच-०९-जीजी-४०५३) दुचाकी व रोख १,२०० रुपये असा एकूण ८१,२०० रुपयांचा मुद्देमाल जबरदस्तीने काढून घेतला.
फिर्यादीने याबाबत शहापूर पोलीस ठाण्यात तक्रार दाखल केली असून, दि. ९ जुलै २०२५ रोजी गुन्हा नोंदवण्यात आला आहे. या प्रकरणी आरोपीविरोधात गुन्हा दाखल करण्यात आला आहे. सध्या मुद्देमाल मिळालेला नाही.
सदर प्रकरणाचा पुढील तपास पोलीस उपनिरीक्षक दरेकर यांच्या मार्गदर्शनाखाली सुरू आहे. गुन्हा दाखल करण्याची नोंद पोलीस हेड कॉन्स्टेबल कांबळे यांनी केली आहे.
