कणेरी येथे छत्रपती शिवाजी महाराज महसूल समाधान शिबिराला आमदार अमल महाडिक यांची भेट!
कणेरी (इरफान मुल्ला ) : कोल्हापूर दक्षिण विधानसभा मतदारसंघ: कोल्हापूर दक्षिण विधानसभा मतदारसंघातील कणेरी गावात आयोजित छत्रपती शिवाजी महाराज महसूल समाधान शिबिराला आज आमदार अमल महाडिक यांनी भेट दिली. यावेळी त्यांनी उपस्थित शासकीय अधिकारी आणि कर्मचाऱ्यांशी संवाद साधत नागरिकांना अधिक प्रभावीपणे आणि वेळेवर सुविधा पुरवण्याबाबत महत्त्वाच्या सूचना दिल्या.
नागरिकांना विविध प्रकारचे शासकीय दाखले आणि इतर सुविधा त्यांच्या गावातच उपलब्ध व्हाव्यात, या मुख्य उद्देशाने राबवण्यात येत असलेल्या या ‘छत्रपती शिवाजी महाराज महसूल समाधान अभियाना’ला कणेरी ग्रामस्थांकडून भरभरून प्रतिसाद मिळत आहे. या अभियानामुळे ग्रामीण भागातील नागरिकांना शासकीय कामांसाठी शहरात येण्याची गरज कमी झाली आहे, ज्यामुळे त्यांचा वेळ आणि पैसा दोन्ही वाचत आहे.
या शिबिरादरम्यान, आमदार महाडिक यांच्या हस्ते काही दिव्यांग बांधवांना दाखल्यांचे वाटप करण्यात आले. यामुळे दिव्यांग व्यक्तींना शासकीय योजनांचा लाभ घेण्यासाठी आवश्यक असलेले महत्त्वाचे दाखले सहजपणे प्राप्त झाले. आमदार महाडिक यांनी शासकीय यंत्रणांनी नागरिकांच्या समस्या संवेदनशीलतेने सोडवाव्यात आणि त्यांना मदत करावी, असे आवाहन केले.
यावेळी कणेरी आणि परिसरातील नागरिक मोठ्या संख्येने उपस्थित होते.
