जनसुराज्य शक्ती पक्षाच्या नवीन कार्यालयाचे मुख्यमंत्री देवेंद्र फडणीस यांच्या हस्ते उद्घाटन!
मुंबई (सलीम शेख ) : विधानभवन, मुंबई येथे जनसुराज्य शक्ती पक्षाच्या नवीन कार्यालयाचे उद्घाटन महाराष्ट्र राज्याचे मुख्यमंत्री देवेंद्र फडणीस यांच्या शुभहस्ते मोठ्या उत्साहात संपन्न झाले. याप्रसंगी अनेक मान्यवर उपस्थित होते.
कार्यक्रमानंतर मुख्यमंत्री फडणीस यांच्यासह उपस्थित सर्व मान्यवरांनी कार्यालयाची पाहणी केली आणि जनसुराज्य शक्ती पक्षाच्या आगामी कार्ययोजनांसाठी शुभेच्छा दिल्या.
या महत्त्वपूर्ण सोहळ्याला महाराष्ट्र विधानसभा अध्यक्ष राहुल नार्वेकर, उच्च व तंत्र शिक्षण मंत्री चंद्रकांत दादा पाटील, मंत्री अतुल सावे, मंत्री शिवेंद्रराजे भोसले, मंत्री हसन मुश्रीफ, खासदार धैर्यशील माने, जनसुराज्य शक्ती पक्षाचे संस्थापक अध्यक्ष तथा आमदार विनय कोरे, आमदार दलितमित्र डॉ. अशोकराव माने (बापू), आमदार विश्वजीत कदम, आमदार सुधीर गाडगीळ, जनसुराज्य शक्ती पक्षाचे प्रदेशाध्यक्ष समित कदम, जिल्हा बँकेचे संचालक विजयसिंह माने, माजी सभापती सर्जेराव पाटील पेरिडकर यांसह इतर अनेक मान्यवर उपस्थित होते.
या नवीन कार्यालयाच्या माध्यमातून जनसुराज्य शक्ती पक्षाला आपले कार्य अधिक प्रभावीपणे राबवता येईल, असा विश्वास यावेळी व्यक्त करण्यात आला.
